Bahaso Minang, Bahaso Lisan

Oleh : Fakhry Emil Habib

Jan pernah samoan bahaso Minang jo bahaso lain,
bahaso lain bantuak bahaso Arab, kok ado panyimpangan, bisa babaliak ka Quran, Kitab-kitabno gai sambuah,
Kok bahaso Minang? Kamusno ndak ado, tulisan kuno indak lo ado,

Caro mamaliharo bahaso Minang tu yo makai lidah men noh, ndak do caro lain,

Tu mangkono ambo agak bapantang jo urang nan bahaso Minangno lah asal jadi men, tapangaruah tipi,

Bara banyak urang kini nan malu jo bahaso Minang? Bantuak bahaso Minang ko bahaso urang tabulakang bana, sainggo labiah suko no makai bahaso antah barantah,

Kok wikipedia mangecekan bahaso Minang ko ndak taancam punah bana, a nan tajadi manunjuakan kalau bahaso Minang sabanta lai punah,

Datuak-datuak men lah banyak kini nan ndak pandai bahaso Minang,

Mintak jadi Datuak supayo murah manjadi Caleg, Cabup, Cagub, La ilah illallah,

Kok 10 tahun lai bahaso Minang ko ilang, kama anak kanakan wak ka mancari lai? Buku bahaso Minang tu ndak ado,

Dan ambo ndak ingin bahaso Agam, Tanah Data, 50 Koto, Piaman, Solok nan babed logat ko ilang, sajaleh ikolah nan mambuek wak bangga,

Mudah2an bisa jo bahaso Minang ko tahan,

InsyaAllah tuan Allah tunjuakan wak ka jalan nan labih elok.. ^_^

#edisiMinang-cekgoogletranslate